မိုးတိမ်တွေလည်း
တစ်ရပ်တစ်ကျေးဆီ
အလည်လွန်ကြရင်း
ပြန်လာနိုင်ခြင်း
မရှိတော့ဘူးပေါ့…ဂျူနို
ငါတို့အတွက်
ဝေသီခေါင်ခိုက်လွန်းတဲ့
ကြမ္မာ
ရာသီအဆက်ဆက်
ဥဒါန်းတွေ ခြွေခဲ့ပေါ့
တစ်ယောက်နဲ့
တစ်ယောက်
ကြေးနန်း
၊ တယ်လီဖုံး ၊ စာတိုက် ၊ အင်တာနက် စတာတွေရဲ့
ပြင်ပခြားနားမှုဆီ ရောက်ခဲ့ကြပြီ
အရင်က
ကြယ်စုံလင်းလက်ခဲ့တဲ့
ညခင်းလည်း
အိပ်မက်ထဲတောင်
ရောက်မလာတော့ဘူး
ဧရာဝတီလက်တက်လေးကတော့
တသွင်သွင်နဲ့
စီးဆင်းနေဦးမယ် ထင်တာပဲ
ပြန်လာခဲ့မယ်နော်
လာလည်ဦးမယ်
ငါ
ဆက်ဆက်လာခဲ့မှာနော်
အဲ့တာတွေက
ပုံပြင်တစ်ခုလို့ပဲ ဆိုပါတော့ ဂျူနို
မမှီ့တမှီ
သံယောစဉ်တွေ ရက်ကန်းလိုယက်
တစ်ယောက်နဲ့
တစ်ယောက် စိတ်ကြိုးတွေရစ်နှောင်ရင်း
ပြန်ဆုံကြမယ်…ပြန်ဆုံကြမယ်ဆိုတဲ့
ပုံပြင်လေး
ခု…အလည်လွန်သွားပါပြီ
ရွှေ
ကြယ် မိုး
No comments:
Post a Comment